भूमी अभिलेख विभागाचा निर्णय; शेतकऱ्यांचा आर्थिक भार कमी
राज्यातील शेतकऱ्यांसाठी मोठा दिलासा देणारा निर्णय जाहीर करण्यात आला आहे. वडिलोपार्जित जमिनीच्या प्रत्येक पोट हिस्स्याची मोजणी आता फक्त ₹200 शुल्कात केली जाणार आहे. यापूर्वी यासाठी ₹1,000 ते ₹14,000 इतका खर्च येत होता. नव्या निर्णयामुळे कुटुंबातील जमिनीवरील वाद कमी होण्यास मदत होणार आहे.
मोजणीसाठी नोंदणीकृत वाटणीपत्र आवश्यक असून प्रक्रिया “महाभूमी अभिलेख” संकेतस्थळावर ई-मोजणी Version 2.0 द्वारे होणार आहे. सहाय्यक अधिकाऱ्यांकडून कागदपत्रांची तपासणी करून मोजणी मंजूर केली जाईल. या निर्णयामुळे शेतकऱ्यांचा आर्थिक भार कमी होऊन जमीन मालकी स्पष्टतेस मदत होणार आहे.